Arrestohet 48-vjeçari në Podujevë pasi sulmoi fizikisht gruan
I dyshuari është dërguar në ndalim për 48 orë; gruaja kërkon ndihmë mjekësore
PODUJEVË — Një tjetër rast i dhunës në familje është regjistruar në Podujevë, ku një grua përfundoi për trajtim mjekësor pasi dyshohet se u sulmua fizikisht nga bashkëshorti i saj. I dyshuari është arrestuar dhe, me urdhër të Prokurorit, është dërguar në ndalim për 48 orë.
Sipas informacioneve, incidenti ka ndodhur në orët e para të mëngjesit në shtëpinë e tyre në fshatin Dumnicë të Podujevës, pas një mosmarrëveshjeje mes çiftit. Mëngjesin e së premtes, gruaja është larguar në shtëpinë e prindërve të saj, prej nga ka kërkuar ndihmën e Policisë.
Gjatë intervistimit nga hetuesit për dhunë në familje dhe në prani të përfaqësuesit të Qendrës për Punë Sociale, ajo ka deklaruar se bashkëshorti kishte ushtruar dhunë fizike ndaj saj. Si pasojë, ajo ka pranuar edhe trajtim mjekësor. I dyshuari është shoqëruar në Polici dhe është intervistuar në prani të avokatit mbrojtës.
Burim: Sinjali — Redaksia ZHURMA