Detaje të reja për gjendjen e të riut të dhunuar gjatë protestës
Muhamet Skana pësoi dëmtime trupore dhe humbje të kujtesës pas ndërhyrjes së efektivëve të policisë gjatë protestës së studentëve.
Redaksia ZHURMA · · 1 min lexim
Janë bërë publike të dhëna rreth gjendjes shëndetësore të Muhamet Skanës, i cili u dhunua gjatë protestës së studentëve pranë Ministrisë së Arsimit. Sipas dëshmisë së një familjari dhënë për gazetaren e "News24", Kristina Belba, i riu u përplas dhunshëm në tokë nga efektivët e policisë.
Si pasojë e kësaj ndërhyrjeje, ai ka pësuar dëmtime në kafkë, dëmtime të shtyllës kurrizore si dhe humbje të kujtesës. Megjithatë, bëhet e ditur se ai ndodhet jashtë rrezikut për jetën dhe ka nisur gradualisht të rikujtojë ngjarjet.
