Deponia regjionale e mbeturinave në Sferkë digjet sërish
Deputetja e LDK-së, Hykmete Bajrami, kërkon angazhimin e FSK-së dhe institucioneve pas djegies së dytë të deponisë.
Redaksia ZHURMA · · 1 min lexim
Deponia regjionale e mbeturinave në Sferkë është përfshirë nga zjarri për herë të dytë, duke shkaktuar ndotje të rëndë dhe shqetësim te banorët lokalë. Deputetja e Lidhjes Demokratike të Kosovës, Hykmete Bajrami, ka publikuar pamje nga vendi i ngjarjes dhe ka kërkuar reagim urgjent nga autoritetet shtetërore.
Sipas saj, banorët e Sferkës, Llutogllavës, Trestenikut, Ruhotit, Nabërgjanit dhe fshatrave përreth po përballen me tym të dendur dhe janë detyruar të mbyllin dyert e dritaret. Bajrami ka shtuar se Komuna e Pejës nuk mund ta përballojë e vetme këtë situatë dhe ka ngritur shqetësimin për shëndetin e qytetarëve, të cilët sipas saj nuk duhet të trajtohen si banorë të dorës së dytë.
«Ku është Qeveria? Ku është Agjencia për Menaxhimin e Emergjencave? Ku është Inspektorati Mjedisor? Pse nuk po mobilizohen të gjitha kapacitetet e shtetit», ka deklaruar ajo, duke bërë thirrje që të angazhohet FSK-ja dhe çdo institucion tjetër për shuarjen e zjarrit. Ajo gjithashtu ka kërkuar nga Inspektorati Mjedisor që të ndalojë funksionimin e kësaj deponie, duke theksuar se aty nuk plotësohen kushtet ligjore për mbrojtjen e mjedisit.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar