Policia ndalon protestën para Kryeministrisë, qytetarët marshojnë në Tiranë
Forcat e rendit nuk lejuan tubimin në bulevard, ndërsa protestuesit paralajmëruan marshimin e 28 nëntorit.
Redaksia ZHURMA · · Përditësuar · 1 min lexim
TIRANË — Forcat e rendit kanë ndaluar protestuesit të zhvillojnë tubimin në bulevardin “Dëshmorët e Kombit” gjatë ditës së 174-t të protestës kundër qeverisë. Ndërhyrja e policisë pranë godinës së Kryeministrisë u ndërmarrë në zbatim të Aktit Normativ që ndalon qytetarët të qëndrojnë në sheshe për shkak të pengimit të qarkullimit të mjeteve, ndërsa vetë protestuesit e kanë cilësuar këtë akt «të paligjshëm».
Pas largimit drejt trotuareve dhe përplasjeve të regjistruara para institucionit qeveritar, qytetarët kanë zhvendosur tubimin në akse të tjera të kryeqytetit. Gjatë lëvizjes në drejtim të zonës së “Myslym Shyrit”, pjesëmarrësit kanë përsëritur thirrjet kundër qeverisë dhe kanë ftuar në një mobilizim masiv për protestën kombëtare të paralajmëruar për 28 nëntor, duke thënë se «në 28 nëntor ne do dalim, Shqipërinë nuk e falim! Ne sistemin do rrëzojmë dhe lirinë do fitojmë».
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar