Ministeri i Financave prezanton projektligjin për dëftesat tregtare të bujqësisë

TIRANË — Ministri i Financave, Andis Salla, prezantoi në Kuvend projektligjin për dëftesat tregtare për bujqësinë. Salla tha se ky mekanizëm financiar i shërben zhvillimit të bujqësisë dhe sjell përfitime për të gjitha palët. Ai theksoi marrëdhëniet më të sigurta mes fermerëve dhe furnizuesve pasi mbulohet i gjithë cikli ekonomik i prodhimit bujqësor.

Deputeti socialist Erion Braçe shprehu rezerva ndaj projektligjit, duke argumentuar se ai nuk do të japë efektet e dëshiruara për fermerët. Braçe theksoi se sistemi fiskal që kemi për prodhimin dhe produktet bujqësore duhet të rregullohet dhe se duhet të ketë synim të qartë mbrojtjen e fermerëve.

Projektligji parashikon dëftesat tregtare mbi produktin bujqësor të ardhshëm dhe dëftesa tregtare mbi produktin bujqësor të magazinuar. Në këtë rast, produkti që është prodhuar dhe depozituar në magazinë mund të përdoret si kolateral për financim.

Dëftesat do të regjistrohen në një regjistër elektronik të posaçëm dhe do të lidhen me regjistrin e barrëve siguruese. Përfituesi i parë është fermeri shqiptar gjithashtu furnizuesit e inputeve, grumbulluesit, përpunuesit dhe eksportuesit, të cilët do të zhvillojnë marrëdhënie kontraktore më të sigurta dhe më të strukturuara me fermerët, duke ulur pasiguritë dhe duke rritur bashkëpunimin përgjatë gjithë zinxhirit agro-ushqimor.

Përfitojnë institucionet financiare, pasi krijohet një instrument i qartë dhe i mbështetur në ligj, që u jep më shumë garanci në financimin e sektorit bujqësor. Përfiton e gjithë ekonomia shqiptare.

Burim: Gazeta Tema, https://www.gazetatema.net/politika/prligji-per-deftesen-tregtare-salla-financim-me-i-sigurt-per-fermerin-b-i573988