Dardanët mbyllin përgatitjet në Fadil Vokrri, gati për Austrinë
Kosova e ka zhvilluar të shtunën pasdite stërvitjen e fundit në stadiumin Fadil Vokrri, para përballjes së nesërme me Austrinë.
Kosova ka zhvilluar të shtunën pasdite stërvitjen e fundit në stadiumin "Fadil Vokrri" në Prishtinë. Federata e Futbollit e Kosovës ka publikuar pamje nga seanca e fundit stërvitore, ku "Dardanët" kanë përfunduar përgatitjet për ndeshjen e radhës. Gjithçka është gati për përballjen Kosovë - Austri, e cila zhvillohet të dielën, më 4 tetor, në stadiumin "Fadil Vokrri", me fillim nga ora 18:00. Përfaqësuesja e Kosovës ka zhvilluar stërvitjet e fundit në një atmosferë të krijuar nga tifozët, duke u përgatitur për ndeshjen e radhës kundër Austrisë. Federata e Futbollit e Kosovës ka bërë thirrje për përkrahje të Përfaqësueses së Kosovës në këtë përballje, duke e mbyllur mesazhin me sloganin: "Forca Dardanë!".