Bardhi: PS është organizatë mafioze, po hanë kokat e njëri-tjetrit

Kryetari i Grupit Parlamentar të Partisë Demokratike, Gazment Bardhi, ka reaguar lidhur me pretendimet për kërcënime dhe përplasjen mes kryeministrit Edi Rama, kryebashkiakut të Tiranës Erion Veliaj dhe ministrit Toni Gogu. Sipas tij, zhvillimet pas publikimit të letrës me kërcënime gjatë një takimi në burgun e Fierit nuk përbëjnë ndonjë surprizë për opinionin publik.

Bardhi u shpreh se kjo situatë konfirmon denoncimet e mëparshme të opozitës mbi mënyrën se si funksionon partia në pushtet, duke e cilësuar atë si një organizatë mafioze ku anëtarët shantazhojnë dhe kërcënojnë njëri-tjetrin në luftën për pushtet dhe interesa personale. Ai theksoi se vendi nuk duhet të mbetet peng i pazareve dhe konflikteve të brendshme të drejtuesve socialistë, pasi Shqipëria përballet me halle dhe probleme shumë më të mëdha.