Cili është favoriti i ndeshjes Argjentinë-Egjipt sonte?

ATLANTA — Argjentina konsiderohet favorite e qartë ndaj Egjiptit, në ndeshjen e sotme të fazës së 1/8-ës së finales të Kupës së Botës 2026, drejt kalimit në çerekfinale. Skuadra e Lionel Scalonit vjen pas një fitoreje të vështirë 3:2 ndaj Kepit të Gjelbër dhe ka fituar të katërta ndeshjet e deritanishme në këtë Botëror.

Lionel Messi po zhvillon një turne të jashtëzakonshëm dhe pritet të jetë arma kryesore e Argjentinës edhe ndaj Egjiptit. Trajneri Scaloni ka paralajmëruar, megjithatë, se në këtë Botëror nuk ka favoritë absolutë, duke përmendur eliminimet e disa kombëtareve të mëdha si dëshmi të nivelit të lartë të konkurrencës.

Egjipti mbërrin në këtë sfidë me moral të lartë, pasi eliminoi Australinë vetëm pas ekzekutimit të penalltive. Kombëtarja afrikane do të mbështetet te përvoja dhe cilësia e Mohamed Salah, i cili, së bashku me Omar Marmoush, pritet të udhëheqë repartin ofensiv në përpjekje për të befasuar kampionët e botës.

Parashikimet para ndeshjes favorizojnë Argjentinën, për shkak të formës së mirë, përvojës në ndeshjet eliminatore dhe ndikimit të Messit. Egjipti, megjithatë, ka treguar se është një skuadër e organizuar dhe e aftë të rezistojë ndaj kundërshtarëve më të fortë.

Formacionet e mundshme: Argjentina (4-3-3) — Emiliano Martínez; Nahuel Molina, Cristian Romero, Lisandro Martínez, Nicolás Tagliafico; Rodrigo De Paul, Enzo Fernández, Alexis Mac Allister; Julián Álvarez, Lionel Messi, Alejandro Garnacho. Egjipti (4-2-3-1) — Mostafa Shobier; Mohamed Hany, Yasser Ibrahim, Rami Rabia, Mohamed Hamdy; Hamdy Fathy, Marwan Attia; Omar Marmoush, Ahmed Sayed "Zizo", Mahmoud Hassan "Trezeguet", Mohamed Salah.

Fituesi i kësaj sfide do të sigurojë një vend në çerekfinale të Kupës së Botës 2026.

Burim: Lajmi.net
— Redaksia ZHURMA