Çfarë mesazhi i nisi Von der Leyen-it protestuesja nga Franca?

TIRANË — Një protestuese e ardhur nga Franca ka mbajtur një fjalim gjatë tubimit qytetar në kryeqytet, duke shprehur mbështetjen e saj të plotë për protestat dhe duke dërguar mesazhe drejtuar institucioneve të Bashkimit Evropian. Ajo theksoi se prej 20 ditësh ka ndjekur se si u ndezën rrugët e Tiranës në këtë revoltë.

Sipas protestueses, ky tubim përfaqëson një moment të rëndësishëm qytetar ku njerëz nga vende të ndryshme po bashkohen për të shprehur pakënaqësitë e tyre. Ajo vuri në dukje se këto protesta 20-ditore në Tiranë po japin një shembull të veçantë të mobilizimit paqësor të qytetarëve.

Në mesazhin e saj drejtuar institucioneve evropiane, ajo kërkoi që Shqipëria të shihet si pjesë e Evropës, duke shtuar se qytetarët janë thelbi i saj. Gjatë fjalimit, ajo iu drejtua vendit me vargjet "O nëna Shqipëri t’u mbush shtëpia plot", duke treguar se e ëndërronte këtë moment.

Ajo tregoi se i ka ndjekur zhvillimet në Tiranë që nga zgjimi e deri në momentin kur flinte. Protestuesja pranoi se edhe kur mbyllte sytë dëgjonte thirrjet e vazhdueshme të qytetarëve "Rama jepe dorëheqjen", duke treguar se ky mesazh ka udhëtuar përtej kufijve të Shqipërisë.

Ajo shtoi se sot qytetarët janë të gjithë bashkë nga e gjithë bota për t'u përballur me gjithçka që u është bërë. Duke krahasuar situatën me vendin e saj, ajo theksoi se vjen nga Franca, ku njerëzit me kulturë demokratike po i shprehin pakënaqësitë e tyre me ekstremizëm.

Përballë këtij ekstremizmi, Shqipëria po tregon një shembull të mrekullueshëm se si një revolucion mund të nisë paqësisht nga natyra dhe flamengot. Ajo dërgoi një mesazh për Von der Leyen, duke deklaruar se populli që meriton të hyjë në Evropë është ky në shesh.

Ajo theksoi se ky popull e meriton integrimin, dhe jo kjo qeveri. Fjalën e saj e mbylli duke thënë se Evropa ka nevojë për shqiptarët po aq sa ata kanë nevojë për të, duke përfunduar me mesazhin e prerë se "ne jemi Europa".

Burim: BalkanWeb
— Redaksia ZHURMA