Endrit Thaçi më i kërkuari në Google, ia kalon edhe PDK-së

Ekspertja e IT, Nadia Elbasani, e ftuar në emisionin “Ftesë në 5”, tha se ditën e vendimit të Hagës për ish-liderët e UÇK-së, emri i djalit të Hashim Thaçit, Endrit Thaçit, është klikuar masivisht në Google dhe YouTube. Ajo u shpreh se nga monitorimi i saj, Endriti ishte më i klikuar se vetë PDK-ja, gjë që e çon në një kërkesë të popullit të Kosovës që këta djem të rimarrin historinë e Kosovës. Sipas saj, edhe UÇK-ja ka pasur kërkime të shumta në Google dhe YouTube, sidomos në ditën e vendimit, për të marrë çdo lloj detaji. Ajo theksoi se brezi i ri kërkon më shumë nga këta djem dhe se fokusi në aspektin fizik nuk e largon nga personazhi.