Pse duhet fikur celulari pas orës 22 sipas studimit të fundit?

GLASGOW — Përdorimi i celularit pas orës 22:00 mund të sjellë pasoja të rënda psikologjike për përdoruesit, duke filluar nga ndjenja e vetmisë e deri te problemet e tjera neurologjike. Sipas një studimi skocez, ata që kalojnë mbrëmjen dhe natën duke kontrolluar rrjetet sociale janë dukshëm më të rrezikuar ndaj çrregullimeve të ndryshme neurologjike.

Ky studim i ri i universitetit të Glasgow përfshiu 91 mijë persona të moshës së mesme, meshkuj dhe femra, të cilëve iu vendosën sensorë për ritmet e tyre të gjumit dhe të zgjimit. Mes tyre kishte persona që çoheshin edhe në mes të natës për të kontrolluar rrjetin Facebook apo kompjuterin.

Studimi i thelluar tregon se personat që kontrollonin celularët natën ishin më në rrezik se të tjerët për të vuajtur nga depresioni, duke prekur 6% të tyre. Ndërkaq, ata rezultuan 11% më të prirur për problemet e bipolaritetit, duke matur dëmet fizike e psikologjike në shkallë të gjerë.

Personat që nuk e fikin kurrë smartphone-in e tyre rezultojnë më të palumtur dhe niveli i mirëqenies së tyre ishte rreth 9% më pak se ata që e fiknin celularin më herët. Këto pasoja vijnë për shkak të ndërprerjes së ritmit normal qarkullues, i cili kërkon pushim në errësirë.

Burim: Ekonomia Online
— Redaksia ZHURMA