Vol. I
Nr. 180
viti 2026 i pavarësisë
Çfarë ndodhi me burrin kosovar të zhdukur në Shëngjin?
Pse u dyshua se u mbyt në det, por u gjet shëndoshë në një kafiteri?
SHËNGJIN — Një rast i pazakontë u regjistrua të hënën në zonën turistike të Shëngjinit, ku një burrë nga Kosova u raportua fillimisht si i zhdukur dhe madje u dyshua se ishte mbytur në det.
Familjarët e tij kishin ngritur shqetësim pasi ai ishte larguar dhe nuk ishte kthyer për një kohë të gjatë, duke bërë që të njoftohen edhe autoritetet dhe të krijohet alarm për një ngjarje të mundshme tragjike.
Pas tre orë kërkim, burri u gjet shëndoshë e mirë në një kafiteri lokale, duke pirë kafe dhe duke pushuar, pa qenë i vetëdijshëm për shqetësimin që kishte shkaktuar. Pas sqarimit të situatës, ai është ribashkuar me familjen e tij.
Burim: Almakos
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.