Burg për shtetasen e Maqedonisë pas ngjarjes me qenin në Ulqin

Një vendim gjyqësor është marrë nga Gjykata Themelore në Ulqin ndaj S. Stojanovskës, e cila u shpall fajtore për veprën e lidhur me keqtrajtimin e kafshëve dhe dëmtimin e mjedisit të tyre. Sipas vendimit të gjykatës, ajo është dënuar me dyzet e pesë ditë heqje lirie.

Ngjarja ka ndodhur në muajin korrik në bulevardin e qytetit bregdetar, ku gjatë lëvizjes me automjetin e saj, ajo ka kaluar mbi një kafshë e cila më pas ka ndërruar jetë si pasojë e dëmtimeve. Gjatë shqyrtimit të rastit, trupi gjykues ka marrë parasysh disa rrethana lehtësuese, duke përfshirë gjendjen e saj familjare si prind i dy fëmijëve, mungesën e dënimeve të mëparshme, si dhe gjendjen e saj mendore gjatë ngjarjes, e cila u vlerësua nga ekspertët. Në periudhën e vuajtjes së dënimit do të llogaritet edhe koha e kaluar në masën e paraburgimit.