Brazili planifikon ndeshje lamtumire për Neymarin
Sulmuesi 34-vjeçar pritet të nderohet pas tërheqjes nga kombëtarja, duke shënuar 80 gola në 130 ndeshje si golashënuesi më i mirë.
RIO DE ZHANEJRO — Federata Braziliane e Futbollit po shqyrton mundësinë e organizimit të një ndeshjeje zyrtare lamtumire për Neymarin, pas vendimit të tij për t’u tërhequr nga kombëtarja. Sipas raportimeve të Globo Esporte, drejtuesit e federatës kanë nisur diskutimet për t’i organizuar një ceremoni të denjë njërit prej lojtarëve më të mëdhenj.
Ndonëse diskutimet kanë filluar, data e saktë për zhvillimin e kësaj sfide nuk është caktuar ende. Kjo ndodh për shkak se 34-vjeçari vazhdon të jetë aktiv në futbollin e klubeve, gjë që e bën më të vështirë gjetjen e një hapësire të lirë në kalendar.
Neymar i dha fund karrierës me fanellën verdhejeshile pas 130 paraqitjeve dhe 80 golave, duke u bërë kështu golashënuesi më i mirë në histori. Ndeshja e lamtumirës do të shërbejë si homazh për sulmuesin që ishte figura kryesore e Brazilit për më shumë se një dekadë.
Burim: Tetova Sot
— Redaksia ZHURMA