Bora mbulon majën e Gjeravicës në kulmin e verës
Maja e Gjeravicës, me lartësi 2,656 metra, është mbuluar nga bora
PRISHTINË — Edhe pse Kosova ndodhet në kulmin e stinës së verës, maja e Gjeravicës, me lartësi prej 2,656 metrash, është mbuluar nga bora, duke krijuar një peizazh të pazakontë për këtë periudhë të vitit. Drejtoria për Administrimin e Parkut Kombëtar "Bjeshkët e Nemuna" ka publikuar fotografi nga maja e Gjeravicës, ku kontrasti mes gjelbërimit veror dhe shtresës së borës ofron pamje mbresëlënëse.
Drejtoria u ka bërë thirrje vizitorëve që të tregojnë kujdes gjatë vizitave, të respektojnë natyrën dhe të kontribuojnë në ruajtjen e kësaj pasurie natyrore për brezat e ardhshëm. Burim: ATSH, https://ata.gov.al/2026/07/25/befasi-ne-mes-te-veres-bora-mbulon-gjeravicen/
— Redaksia ZHURMA