Pse u bllokua hyrja për në Aeroportin e Shkupit?

SHKUP — Trafiku në autostradën Kumanovë-Veles është pezulluar që nga ora 6 e mëngjesit të sotëm, njoftoi Lidhja Auto Moto e Maqedonisë (LMM). Ndërprerja është për shkak të një aksidenti trafiku që ndodhi në kryqëzimin në Aeroportin Ndërkombëtar të Shkupit, më saktësisht në daljen nga Shkupi që të çon në ndërtesën e terminalit.

LAMM thotë se trafiku po devijohet përmes kryqëzimit në rafinerinë Okta. Aeroporti Ndërkombëtar i Shkupit konfirmon se ka një devijim trafiku dhe i njofton shoferët të përdorin daljen që të çon në hyrjen e vjetër të aeroportit, përkatësisht në ndërtesën e vjetër të aeroportit.

Sipas raportimeve në disa media, bëhet fjalë për një automjet që është përmbysur dhe se ka disa të lënduar. Ministria e Punëve të Brendshme (MPB) ende nuk ka publikuar asnjë informacion në lidhje me aksidentin rrugor.

Burim: Almakos
— Redaksia ZHURMA