Blerta Deliu dënon rastin ndaj gazetarit Lirim Mehmetaj

Deputetja e Partisë Demokratike të Kosovës, Blerta Deliu, ka reaguar lidhur me zhvillimet rreth gazetarit Lirim Mehmetaj, duke e cilësuar situatën si përpjekje për frikësim në lidhje me ushtrimin e profesionit të tij. Përmes një postimi në rrjetin social Facebook, ajo ka shprehur shqetësimin e saj për veprimet e drejtuara ndaj gazetarit.

Deliu ka shtruar pyetjen se çfarë të drejte i jep dikush vetes që të presë gazetarin tek dera për t'i kërkuar llogari. Ajo ka vlerësuar se rasti duhet të marrë përgjigje nga organet e rendit, ndërsa në fund ka përgëzuar Mehmetajn për qëndrimin e mbajtur gjatë emisionit.