Komisionet parlamentare dhe ngjarjet e paralajmëruara
Institucionet dhe organizatat mbajnë mbledhje e aktivitete gjatë ditës.
Redaksia ZHURMA · · 1 min lexim
Kuvendi i Kosovës dhe institucioni i Institutit Albanologjik organizojnë takime e tryeza shkencore, ndërsa ATRC dhe Banka Botërore mbajnë eventin përmbyllës të projektit PIAKOS për regjistrim të pronës në Swiss Diamond Hotel.
Komisioni për Kulturë, Turizëm, Sport dhe Rini shqyrton Projektligjin për ndryshimin dhe plotësimin e Ligjit mbi ndarjet buxhetore për Buxhetin e Republikës së Kosovës për vitin 2026. Ndërkohë, Komisioni për Ekonomi, Industri, Ndërmarrësi, Tregti dhe Inovacion shyrton planin e punës për sesionin vjeshtor 2026, kurse Komisioni për Shëndetësi miraton fushëveprimin e tij.
Po ashtu, Komisioni për Punë të Jashtme dhe Diasporë shqyrton projektligjin për ndryshimin e buxhetit, kurse Komisioni i Posaçëm për Shqyrtimin e Kandidatëve për Emërim në Gjykatën Kushtetuese shqyrton publikimin e ftesës publike për zgjedhjen e dy gjyqtarëve në Gjykatën Kushtetuese. Komisionet e tjera, përfshirë atë për Mjedis, Arsim, si dhe Administratë Publike, shqyrtojnë projektligjin për ndryshimin dhe plotësimin e Ligjit për ndarjet buxhetore.
