Sean “Diddy” Combs dërgohet në spital pas një dëmtimi në kokë në burg

Reperi amerikan Sean “Diddy” Combs është transportuar nga burgu federal në New Jersey drejt spitalit, pas një emergjence mjekësore të raportuar në orët e para të ditës. Artisti është trajtuar për një dëmtim në kokë pas një rrëzimi në burgun federal FCI Fort Dix, ndërsa gjendja e tij raportohet se nuk ishte kërcënuese për jetën.

Një ambulancë është parë duke dalë nga institucioni federal, ndërsa burime brenda burgut bëjnë të ditur se kur reperi u rikthye në qendër, ai ishte i vetëdijshëm dhe vazhdonte të komunikonte. Përfaqësuesi i reperit, Juda Engelmayer, deklaroi për gazetën «Daily Mail» se stafi i tij po përpiqet të mbledhë informacione të sakta, duke shtuar se përpara çdo gjëje tjetër qëndron shëndeti dhe mirëqenia e artistit.

Regjistrat e Byrosë Federale të Burgjeve tregojnë se lirimi i tij shfaqet në kalendar për datën 2 mars 2028, pas dënimit të dhënë më parë.