Afati i ri më 27 nëntor për apelimin e aktgjykimit të krerëve të UÇK-së
Ekipet mbrojtëse dhe palët e tjera kanë kohë deri në fund të nëntorit për të njoftuar vendimin rreth aktgjykimit të shkallës së parë.
Redaksia ZHURMA · · 2 min lexim
Paneli i Apelit ka pranuar kërkesën e Mbrojtjes për të shtyrë afatin e dorëzimit të njoftimit për apelim lidhur me vendimin e shkallës së parë ndaj Hashim Thaçit, Kadri Veselit, Jakup Krasniqit dhe Rexhep Selimit. Fillimisht ky afat ishte caktuar për në mes të tetorit, por u shty deri më 27 nëntor për shkak të kompleksitetit të çështjes dhe mungesës së përkthimit të aktgjykimit në gjuhën shqipe për ekipet mbrojtëse.
Sipas njoftimeve të Dhomave të Specializuara, deri tani nuk ka parashtresa publike nga palët për të treguar se cilit pjesë të aktgjykimit të 16 shtatorit do t'i kundërvihen. Procedura formale e shkallës së dytë hapet me njoftimin për apelim, ku mund të ngrihen pretendime për gabime në zbatimin e ligjit, vlerësimin e provave apo përcaktimin e dënimit, si dhe kërkesa për prova shtesë me lidhje specifike me gjetjet faktike.
Në përfundim të shqyrtimit, Paneli i Apelit ka autoritetin për të lënë në fuqi, për të rrëzuar apo ndryshuar vendimin e shkallës së parë, ose për të urdhëruar një rigjykim nga Trupi Gjykues, ndërsa procesi mund të jetë më i shkurtër në rastet kur ankesa kufizohet vetëm te masa e dënimit.
