Bedri Hamza: Edhe familjes së Rexhep Selimit i kam shkruar për takim

Kryetari i Partisë Demokratike të Kosovës, Bedri Hamza, është përballur me një kritikë nga një qytetar në komentet e postimit të tij në rrjetin social Facebook, pasi kishte vizituar familjet e Hashim Thaçit, Kadri Veselit dhe Jakup Krasniqit. Sipas komentuesit, Hamza nuk kishte vizituar edhe familjen e Rexhep Selimit, ish-deputet i Vetëvendosjes.

Hamza i është përgjigjur menjëherë komentit duke thënë se edhe familjes së Rexhep Selimit i kishte shkruar dhe se pret që të takohen kur të jenë në mundësi.

Kryetari i PDK-së më parë kishte vizituar familjet Thaçi, Veseli dhe Krasniqi pas aktgjykimit të Gjykatës Speciale ndaj drejtuesve të lartë të Ushtrisë Çlirimtare të Kosovës, duke deklaruar se do ta vazhdojnë betejën për drejtësi e liri.