Bebe Rexha bëhet artistja e parë e popit amerikan në Tomorrowland
Debutoja e saj në skenën e festivalit më të mëdha të muzikës elektronike në botë
BRUSEL — Bebe Rexha vazhdon të shënojë suksese në skenën ndërkombëtare, duke u bërë artistja e parë amerikane e popit që performon në Tomorrowland, një nga festivalet më të mëdha dhe më prestigjioze të muzikës elektronike në botë, që mbahet çdo vit në Belgjikë. Platforma YouTube ka publikuar një postim në llogarinë e saj zyrtare në Instagram, duke ia dedikuar artistes shqiptaro-amerikane debutimin e saj në Tomorrowland.
Sipas Telegrafit, Bebe Rexha po shkruan histori si artistja e parë amerikane e muzikës pop që ngjitet për herë të parë në skenën e këtij festivali. Ajo do të performojë përpara mijëra adhuruesve të muzikës elektronike nga e gjithë bota, në orën 20:00, në skenën e Tomorrowland.
Bebe Rexha vazhdon të kalon një periudhë mjaft të suksesshme edhe në karrierën e saj si artiste e pavarur. Vetëm një muaj më parë ajo publikoi albumin e saj më të ri, 'Dirty Blonde', i cili shënon projektin e parë të realizuar pa një shtëpi diskografike, pas përfundimit të bashkëpunimit me Warner Records vitin e kaluar. Me albumin e ri dhe tashmë edhe debutimin në Tomorrowland, Bebe Rexha po dëshmon se vazhdon të mbetet një nga emrat më të rëndësishëm të muzikës pop në arenën ndërkombëtare.
Burim: Telegrafi, https://telegrafi.com/youtube-bebe-rexha-shkruan-histori-ne-belgjike-behet-artistja-e-pare-amerikane-e-popit-qe-performon-ne-tomorrowland/
— Redaksia ZHURMA