Si do të përdoren 65,7 milionë eurot që BE aprovoi për Maqedoninë e Veriut?
Komisioni Evropian miraton këstin e ri financiar; zëvendëskryeministri Sali: integrimi po shndërrohet në investime konkrete.
SHKUP — Komisioni Evropian ka miratuar këstin e ri prej 65,7 milionë euro për Republikën e Maqedonisë së Veriut në kuadër të Planit të Rritjes për Ballkanin Perëndimor dhe Mekanizmit për Reforma dhe Rritje.
Zëvendëskryeministri i Parë dhe Ministri për Çështje Evropiane, Bekim Sali, e mirëpriti vendimin, duke deklaruar: "Integrimi evropian nuk është më vetëm aspiratë politike. Sot ai po shndërrohet në investime konkrete, mbështetje dhe mundësi reale për qytetarët tanë."
Ministria për Çështje Evropiane njoftoi se mbetet e përkushtuar në koordinimin e proceseve reformuese, me synim që mbështetja evropiane të përkthehet në "standard më të mirë jetese dhe më shumë mundësi për qytetarët."
Burim: Telegrafi
— Redaksia ZHURMA