Bastisje në Burgun e Idrizovës dhe në atë të Shkupit
Autoritetet gjejnë substanca të ndaluara dhe marihuanë gjatë kontrolleve në burgjet e vendit.
Redaksia ZHURMA · · 1 min lexim
SHKUP — Ministria e Punëve të Brendshme ka njoftuar se gjatë një kontrolli të kryer në Burgun e Idrizovës, te i dënuari me inicialet S.S. është zbuluar një substancë në formë pluhuri. Ngjarja është denoncuar në SPB Shkup nga institucioni i vuajtjes së dënimit, ndërsa autoritetet po ndërmarrin masa për zbardhjen e plotë të rrethanave të këtij rasti.
Ndërkohë, një tjetër rast është regjistruar në Shkup, ku gjatë një kontrolli në hapësirat e jashtme të burgut në Shuto Orizare, brenda rrethojës është zbuluar një qese që përmbante një telefon celular, një karikues dhe marihuanë. Policia po vazhdon hetimet për të dyja ngjarjet.
