Arrestohet në Itali shqiptari për vdekjen e partneres
Elvis Metvelaj u ndalua nga karabinierët në Bari pas vdekjes së Ornella Forastefanos.
DIASPORË — Elvis Metvelaj, 42 vjeç, u ndalua nga karabinierët në Bari, pak orë pasi partnerja e tij, 46-vjeçarja Ornella Forastefano, u gjet në gjendje të rëndë para urgjencës së spitalit në Trebisaçe. 42-vjeçari, i lindur në Shqipëri në vitin 1984 dhe prej vitesh banues në Kalabri, u lokalizua nga karabinierët në Puglia, teksa dyshohet se po tentonte të largohej nga zona. Forastefano, 46 vjeçe, u gjet në orët e para të së dielës para hyrjes së urgjencës së spitalit të Trebisaçes, në gjendje kritike dhe me shenja të një dhune të rëndë, dhe pavarësisht përpjekjeve të mjekëve, ajo ndërroi jetë. Hetuesit dyshojnë se gruaja ishte dhunuar rëndë përpara se të braktisej pranë spitalit. Metvelaj, i cili kishte një lidhje prej disa kohësh me viktimën, është marrë në pyetje nga autoritetet italiane dhe ndodhet në burg, ndërsa Prokuroria e Castrovillarit ka urdhëruar autopsinë e 46-vjeçares.