Arrestohet 57-vjeçari që kishte mbjellë 175 bimë kanabis në kanionet e Progonatit
Policia zbuloi 175 bimë kanabisi në vazo në thellësi të kanioneve
Një 57-vjeçar në Progonat është vënë në pranga për kultivim kanabisi. Policia zbuloi se në thellësi të kanioneve, ai kishte mbjellë në vazo 175 bimë të cilat u asgjësuan.
Sipas njoftimit të policisë, shtetasi I. M., 57 vjeç, banues në Tepelenë, u arrestua në flagrancë pasi u zbulua se kishte kultivuar 175 bimë të dyshuara Cannabis Sativa në vazo, në mes të kanioneve të fshatit Progonat. Operacioni, i koduar "Rrjedha", u finalizua pas një hetimi me metoda proaktive të kryer nga shërbimet e Komisariatit të Policisë Tepelenë, në koordinim me Prokurorinë, për të dokumentuar me prova ligjore veprimtarinë kriminale.
Kontrollet antikannabis vijojnë në të gjithë territorin e qarkut. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
*Burim: Gazeta Tema, https://www.gazetatema.net/kronika/kishte-ngritur-parcele-me-kanabis-ne-kanionet-e-progonatit-arrestohet-57-i574919* — Redaksia ZHURMA