Çfarë sekuestroi policia në veturën e dy të arrestuarve në Saraj?
Nëpunësit policorë arrestuan dy banorë të Sarajit dhe Krushopekit pasi në automjetin e tyre gjetën dy pushkë gjuetie të kalibrit 12 dhe dhjetëra fishekë.
SARAJ — Dy persona janë arrestuar nga policia në rrugën ndërmjet fshatrave Shishovë dhe Gërçec të Komunës së Sarajit, pasi gjatë kontrollit të automjetit të tyre u gjetën armë gjuetie dhe municion. Rasti ka ndodhur më 12 qershor 2026, rreth orës 23:45, gjatë një kontrolli të kryer nga forcat e rendit.
Nëpunësit policorë nga Njësiti i Policisë Intervenuese pranë SPB Shkup kanë privuar nga liria pasagjerin N.S., 54 vjeç nga fshati Saraj, dhe drejtuesin e makinës Hyundai me targa të Shkupit, R.S., 58 vjeç nga fshati Krushopek. Gjatë kontrollit, policia sekuestroi dy pushkë gjuetie të markës Baikal të kalibrit 12, si dhe 22 fishekë gjuetie.
Të dy personat e shoqëruar janë ndaluar në stacionin policor për procedime të mëtejshme. Ministria e Punëve të Brendshme njoftoi se pas dokumentimit të plotë të këtij rasti, ndaj të dyshuarve do të parashtrohen kallëzimet përkatëse ligjore.
Burim: Almakos
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.