Kush është 41-vjeçari që u arratis nga stacioni i policisë në Koçan?

— Aleksandar Lazarovi, 41 vjeç, është shpallur i kërkuar me urdhër-arrest qendror dhe ndërkombëtar pasi arriti të arratisëj nga Stacioni Policor në Koçan. Sipas Ministrisë së Punëve të Brendshme (MPB), i dyshkuari u zhduk nga ambientet e policisë duke hapur dritaren e një prej dhomave ku mbahej për marrje në pyetje.

Ngjarja ka ngjallur vëmendje të madhe pasi Lazarovi, i cili është djali i Metodit dhe Darinkës, u largua nga një objektPolicor në një moment kur ishte nën kontrollin e shtetit. Kërkimi për të është zgjeruar tashmë jashtë kufijve të Maqedonisë së Veriut pas dështimit të operacioneve të kërkimit të brendshme në ditët e fundit.

Arrestimi i parë i Lazarovit ndodhi më 9 korrik rreth orës 23:55 në hyrje të fshatit Istibanjë të Vinicës. Policia e Koçanit, Dellçevës dhe Njësia Policore e Makedonska Kamenicës ndaluan një automjet të tipit “Subaru” me targa të Koçanit, ku gjendeshin Lazarovi dhe një 25-vjeçar me inicialet J.J.

Gjatë kontrollit të automjetit, zyrtarët policorë gjetën dhe sekuestruan një sasi të lëndës së bardhë pluhur, gjë që çoi në detenimin e të dy të dyshuarve. Një ditë më pas, më 10 korrik rreth orës 20:35, Lazarovi shfrytëzoi dritaren e stacionit për t'u larguar, duke lënë pas një dështim të rëndë të sigurisë në objekt.

Aktualisht, Gjykata Themelore në Koçan e kërkon Lazarovin nën dyshimin për kryerjen e veprës penale sipas nenit 215, paragrafi 1, në lidhje me nenin 22 të Kodit Penal. MPB-ja vazhdon koordinimin për kapjen e të dyshuarit që konsiderohet i zhdukur nga territori i shtetit.

Burim: TV21
— Redaksia ZHURMA