Armend Zemaj tregon kushtin për kandidaturën e mundshme në krye të LDK-së

Deputeti i Lidhjes Demokratike të Kosovës, Armend Zemaj, ka deklaruar se nuk e sheh të arsyeshme që një kandidat ta propozojë vetveten për kryetar partie. Gjatë një paraqitjeje televizive në emisionin «Politiko» në Kanal10, ai ka vlerësuar se gara brenda subjektit politik gjithmonë ka qenë atraktive dhe e debatueshme, duke shtuar se ambiciet dhe gatishmëria e anëtarëve për të marrë përgjegjësi mund t'i japin më shumë fuqi dhe dinamizëm procesit.

Zemaj ka përmendur se në të kaluarën ka kërkuar ndryshimin e lidershipit kur ka besuar se një gjë e tillë ishte e nevojshme, por tani beson se çdo propozim duhet të vijë nga të tjerët brenda strukturave. «Nëse më propozon dikush po, por të propozoj vetveten nuk më duket e arsyeshme», ka thënë ai.