Armando Mema shndërrohet në zërin e preferuar të propagandës ruse
Gazeta finlandeze zbulon historinë e shqiptarit që citohet përditë nga mediat ruse si politikan.
Redaksia ZHURMA · · 1 min lexim
Mediat shtetërore ruse RIA Novosti dhe TASS po citojnë rregullisht Armando Memën, një shqiptar që jeton në Finlandë, duke e prezantuar atë si politikan finlandez. Sipas gazetës Helsingin Sanomat, Mema është një hidraulik në të tridhjetat me shtetësi italiane dhe prejardhje shqiptare, i cili ka ndikim të kufizuar politik në Finlandë. Hulumtimi i publikuar nga gazeta italiane Open tregon se ai u vendos në Finlandë në vitin 2019 pasi u rrit në Itali. Në zgjedhjet për Parlamentin Evropian të vitit 2024, Mema mori vetëm 99 vota si anëtar i partisë së vogël Aleanca e Lirisë. Pavarësisht peshës së tij modeste politike, agjencitë ruse kanë shtuar publikimin e deklaratave të tij për të kritikuar mbështetjen perëndimore ndaj Ukrainës dhe politikën e presidentit finlandez Alexander Stubb. Vetë Mema u shpreh për gazetën finlandeze se e konsideron mrekulli rritjen e popullaritetit të tij, duke deklaruar: «Unë jam gjithmonë në anën e paqes».
