Messi thyen heshtjen një ditë pas humbjes: dhimbja dhemb shumë

Superylli i Argjentinës, Lionel Messi, nuk foli pas humbjes 1:0 nga Spanja në finalen e Kupës së Botës të dielën. 39-vjeçari u largua nga stadiumi dhe nuk foli për mediat. Por të hënën, argjentinasi theu heshtjen duke publikuar një mesazh në faqen e tij të Instagramit. "Dhimbja dhemb shumë dhe do të duhet kohë që kjo plagë të shërohet. Por unë gjithashtu marr me vete të gjitha gjërat e mira..."

Ndeshjet ku e përmbysëm situatën duke dhënë gjithçka që kishim dhe që do të mbeten përgjithmonë në kujtesën time, me mbështetjen e një vendi të tërë, që, së bashku, me punën dhe përpjekjet e këtij grupi, na çuan përsëri në mesin e më të mirëve në botë. Sot, është e vështirë të vlerësosh atë që bëmë, por ky grup arriti dy finale radhazi të Kupës së Botës", ka shkruar Messi në Instagram.

"Faleminderit shumë nga zemra për çdo përshëndetje dhe për çdo mesazh. Edhe një herë, arritëm të bashkohemi si vend dhe të jemi të gjithë bashkë, duke ndarë krenarinë e madhe të të qenit argjentinas". Ai e ka mbyllur mesazhin e tij duke e uruar Spanjën për suksesin e arritur. "Gjithashtu dua të përgëzoj Spanjën për triumfin e saj", ka thënë Messi.

Gjesti nuk ishte i pari. Menjëherë pas bilbilit të fundit Messi u shtri për disa çaste në bar, pastaj u ngrit dhe iu afrua talentit spanjoll Lamine Yamal për ta përgëzuar për titullin, sipas Telegrafit. Kapiteni 39-vjeçar e luajti finalen si titullar dhe qëndroi në fushë deri në fund të kohës shtesë.

Burim: Koha.net

— Redaksia ZHURMA