Apel për ndihmë për 2-vjeçarin Leka që vuan nga një sëmundje e rrallë
Familja kërkon 200 mijë euro për trajtimin jashtë Kosovës të djalit të tyre dyvjeçar.
Redaksia ZHURMA · · 1 min lexim
Dyvjeçari Leka është diagnostikuar me rabdomiosarkomë embrionale, një sëmundje e rëndë kanceri që kërkon trajtim të specializuar jashtë Kosovës. Kostoja e këtij trajtimi arrin në 200 mijë euro, një shumë që familja e tij nuk mund ta përballojë e vetme, ndaj është bërë një apel për solidaritet dhe ndihmë financiare. Përmes thirrjeve publike, familjarët kërkojnë që secili të kontribuojë sipas mundësive, duke theksuar se çdo ndihmë është një hap më afër shërimit për vogëlushin. Qytetarët gjithashtu janë ftuar që ta shpërndajnë apelin për të arritur te sa më shumë njerëz. Të gjithë ata që duan të kontribuojnë mund të dërgojnë ndihma në llogarinë bankare të babait të tij, Denis Podrimqaku.
