Ambasada e SHBA u bën thirrje qytetarëve të shmangin zonat e protestave në Tiranë
Ambasada e Shteteve të Bashkuara të Amerikës ka lëshuar një paralajmërim për qytetarët e saj në prag të demonstratave të paralajmëruara në kryeqytet.
Redaksia ZHURMA · · Përditësuar · 2 min lexim
TIRANË — Ambasada e Shteteve të Bashkuara të Amerikës ka publikuar një njoftim ku u bën thirrje qytetarëve amerikanë që të tregojnë kujdes dhe të shmangin zonat pranë institucioneve qeveritare, për shkak të zhvillimit të protestave. Sipas njoftimit zyrtar, demonstratat në Tiranë dhe në qendër të qytetit mund të shoqërohen me shtim të pranisë policore, bllokime të qarkullimit dhe devijime të akseve rrugore, ndërsa disa tubime të mëparshme kanë përfunduar në përplasje të dhunshme me përdorim të mjeteve ndezëse, gurëve dhe dëmtim të pronës.
Përfaqësuesit e misionit diplomatik kanë paralajmëruar se personat që ndodhen pranë këtyre zonave mund të ekspozohen ndaj gazit lotsjellës, predhave të gomës, fishekzjarrëve të hedhur horizontalisht dhe mjeteve ndezëse. Për këtë arsye, personelit të ambasadës i është kërkuar që të shmangë të gjitha zonat e demonstratave, ndërsa qytetarët janë këshilluar të kenë një plan emergjence, të ndjekin mediat lokale dhe udhëzimet e autoriteteve, si dhe të kenë kujdes nga kufizimet e mundshme në shërbimet publike dhe transportin publik.
