Pse nuk kërkon Aleanca marrëveshje me Qeverinë Kurti?
Besnik Tahiri thotë se pozicioni i Aleancës ndaj Kurti nuk ka ndryshuar, por do të kërkojnë marrëveshje nëse ai ndryshon
— PRISHTINË — Deputeti i zgjedhur i Aleancës, Besnik Tahiri, ka deklaruar se qëndrimi i partisë së tij ndaj Qeverisë Kurti mbetet i pandryshuar dhe se partia e tij nuk është në kërkim të marrëveshjeve politike apo pozitave për të hyrë në ekzekutiv. Ai komentoi se, po të kishte ndryshuar raporti i Aleancës me Qeverinë Kurti, partia do të kishte hyrë në negociata për të qenë pjesë e qeverisë.
“Pozicioni i Aleancës në raport me Qeverinë Kurti nuk ka ndryshuar, po të kishte ndryshuar ai raport, ne do të ndërtonim marrëdhënie politike, do të synonim të kemi marrëveshje politike për të qenë në qeveri”, deklaroi Tahiri.
Tahiri gjithashtu theksoi se një skenar i tillë do të kishte për qëllim krijimin e një bllokimi të ri dhe fajësimin e ish-opozitës nga ana e Qeverisë në detyrë. “Me vendimin i tij për të themeluar një qeveri të pakicës me 62 ose 63 vota ka vetëm një qëllim, të na fusë në 60 ditëshin e ardhëm, kur është koha për ta zgjidhur presidentin, dhe të na fusë në një situatë ku thonë ‘ja këta po na bllokojnë’. Jo, zotëri, nuk po të bllokojmë. Nuk po të bllokojmë, sepse votat i ke marrë”, deklaroi ai.
Burim: Klan Kosova
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.