Kurti mban fjalim politik pas betimit — PDK kërkon ndërprerjen e tij
Kryetari i VV-së u ftua nga Avni Dehari të propozonte emrin për kryetar të Kuvendit, por nisi një fjalim që nxiti reagimin e opozitës.
PRISHTINË — Lideri i Lëvizjes Vetëvendosje, Albin Kurti, ka mbajtur një fjalim politik nga foltorja e Kuvendit të Kosovës në cilësinë e kryeministrit, pak minuta pasi u betua si deputet. Kurti u ftua të merrte fjalën nga kryesuesi i seancës konstituive, Avni Dehari, zyrtarisht për të propozuar emrin e VV-së për Kryetar të Kuvendit.
Ky fjalim ka nxitur reagimin e menjëhershëm të deputetëve të PDK-së, të cilët kërkuan ndërprerjen e fjalës së tij. Opozitarët përsëritën thirrjet se në seancën konstituive nuk lejohet debat politik, pasi deputetët sapo ishin mbledhur për verifikimin e mandateve.
Burim: Nacionale
— Redaksia ZHURMA
