Albanians for America mbështet Sejdiu për president dhe thirr deputetët të votojnë

Organizata “Albanians for America” ka mëpritur marrëveshjen ndërmjet Lëvizjes Vetëvendosje dhe Lidhjes Demokratike të Kosovës për nominimin e Prof. Dr. Bekim Sejdiut në postin e Presidentit të Republikës. Në një deklaratë publike, organizata vlerëson përvojën akademike dhe profesionale të Sejdiut, karrierën e tij publike dhe angazhimin e dëshmuar për shtetësinë e Kosovës, vlerat demokratike dhe forcimin e pozitës ndërkombëtare të vendit.

“Albanians for America” shpall mbështetjen e plotë për kandidaturën e Sejdiut dhe e drejton një thirrje të gjithë deputetëve të Kuvendit të Republikës së Kosovës të trajtojnë procesin e zgjedhjes së presidentit mbi bazën e interesit shtetëror dhe nevojës për institucione të qëndrueshme, demokratike dhe të besueshme. Sipas tyre, Kosova ka nevojë për një president që bashkon, përfaqëson dhe mbrojnë interesin shtetëror, duke forcuar partneritetin strategjik me Shtetet e Bashkuara dhe orientimin euroatlantik.

Sejdiu është kandidat konsensual pas takimeve mes kryetarëve të dy partive, Albin Kurti dhe Lumir Abdixhiku, për formimin e institucioneve kushtetuese. Ai ka pranuar kandidaturën duke theksuar barrën dhe përgjegjësinë e postit në kontekstin politik aktual.