Çfarë sekuestroi Policia në aksionin disa mujor kundër drogës?
Katër shtetas të Kosovës, Serbisë e Shqipërisë ndalohen 48 orë; sekuestrohen 60 kg narkotikë, dy vetura e kamion.
PRISHTINË — Institucionet e sigurisë kanë finalizuar një operacion disa mujor, duke sekuestruar 60 kg substancave narkotike në Kosovë. Katër persona — shtetas të Kosovës, Serbisë dhe Shqipërisë — kanë përfunduar në pranga nën dyshimet për trafikim, ndërkohë që Policia ka ndarë pamje nga aksioni.
Prokuroria ka bërë të ditur se ndaj tyre është caktuar masa e ndalimit: "Me aktvendim të Prokurorit të Shtetit, të dyshuarve u është caktuar masa e ndalimit për 48 orë, për shkak se të njëjtit dyshohen për kryerjen e veprës penale 'Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge'", thuhet në komunikatë.
Gjatë aksionit, krahas 60 kg narkotikëve, janë sekuestruar edhe dy automjete dhe një kamion, të cilat dyshohet se janë përdorur në aktivitetet e kundërligjshme. Policia ka ndarë foto dhe pamje të drogës së konfiskuar.
Burim: Insajderi
— Redaksia ZHURMA