Aksidente rrugore në qytetin e Sarandës
Dy aksidente rrugore janë regjistruar në Sarandë, pa u raportuar persona të lënduar, por vetëm me dëme materiale.
SARANDË — Dy aksidente rrugore janë shënuar në qytetin e Sarandës, ku sipas autoriteteve nuk raportohet për persona të lënduar, por vetëm për dëme materiale.
Njëri nga aksidentet ka ndodhur në rrugën e katërt në qendër të qytetit, në kryqëzimin pranë ish-agjencisë së udhëtimeve, ku një motor është goditur nga një mjet. Shërbimet e qarkullimit rrugor kanë shkuar në vendngjarje për të zbardhur shkaqet e këtij aksidenti.
Ndërkohë, një tjetër aksident ka ndodhur në hyrje të rrugës “Onhezmi”, ku një automjet ka humbur kontrollin dhe është përplasur fillimisht me kazanët e mbeturinave dhe më pas me dy pemë. Policia ka mbërritur në vendngjarje për hetimet, ndërsa punonjësit e shërbimeve kanë prerë dhe larguar pemët e dëmtuara për të shmangur rrezikun për kalimtarët dhe mjetet e tjera.