Kush mbeti i lënduar në aksidentin te 'Posta' në Prishtinë?
Një grua u godit nga një veturë në vendkalimin për këmbësorë në qendër të kryeqytetit dhe u transportua në QKUK.
PRISHTINË — Një grua ka mbetur e lënduar pasi është goditur nga një veturë në vendkalimin për këmbësorë pranë semaforëve në qendër të Prishtinës, në zonën e njohur si “te Posta”.
Pas aksidentit, ajo është transportuar për trajtim mjekësor në Qendrën Klinike Universitare të Kosovës (QKUK), ku po i nënshtrohet ekzaminimeve të nevojshme për të përcaktuar shkallën e lëndimeve.
Drejtori i Klinikës Emergjente në QKUK, Naser Syla, ka konfirmuar se pacientja është pranuar në trajtim dhe se gjendja e saj është stabile. Deri tani, rrethanat e sakta në të cilat ka ndodhur goditja nuk dihen, ndërsa autoritetet pritet të dalin me informacione shtesë.
Burim: Gazeta Metro
— Redaksia ZHURMA