Si të aplikohet për 100 eurot e Pakos së Inflacionit përpara mbylljes?
Ministri Hekuran Murati bën thirrje për aplikim të shpejtë përmes eKosova-s ose ATK-së.
PRISHTINË — Afati për aplikimin e mbështetjes financiare prej 100 eurosh në kuadër të Pakos për Përballje me Inflacionin 2.0 pritet të përfundojë gjatë ditës së sotme.
Ministri i Financave, Punës dhe Transfereve, Hekuran Murati, ka bërë thirrje dje që të gjithë përfituesit potencialë që ende nuk kanë aplikuar ta bëjnë këtë brenda afatit. "Sigurohuni që të dhënat që i plotësoni të jenë të sakta, në mënyrë që aplikimi juaj të mund të procesohet me sukses", shkroi Murati.
Studentët mund të aplikojnë përmes platformës eKosova, ndërsa punëtorët e sektorit jopublik përmes formularit të publikuar në faqen e Administratës Tatimore të Kosovës.
Burim: Zëri
— Redaksia ZHURMA