Aeroporti i Prishtinës regjistron 127 fluturime për Gjermani në një javë
Ambasadori Ajeti e quan këtë korridor ajror urë lidhëse mes njerëzve, kapitalit dhe investimeve, jo thjesht udhëtim mërgimtarësh drejt vendlindjes.
PRISHTINË — Aeroporti Ndërkombëtar "Adem Jashari" ka regjistruar 127 fluturime direkte drejt aeroporteve në Gjermani vetëm gjatë kësaj jave. Këtë e ka bërë të ditur ambasadori i Kosovës në Gjermani, Faruk Ajeti.
Ajeti theksoi rëndësinë e madhe të këtij korridori ajror për lidhjen mes dy shteteve, duke shtuar se fluturimet kanë mundësuar qarkullimin e dhjetëra mijëra udhëtarëve mes Kosovës dhe Gjermanisë.
Ai shtoi se kjo lidhje ajrore tashmë përfaqëson shumë më tepër sesa udhëtimin e mërgimtarëve drejt vendlindjes. "Këto shifra dëshmojnë se lidhja mes dy shteteve sot është shumë më tepër sesa një udhëtim drejt vendlindjes. Ajo është një urë lidhëse mes njerëzve, kapitalit, investimeve, ideve dhe mundësive," ka deklaruar Ajeti.
Burim: Sinjali
— Redaksia ZHURMA