Pse e quan Ademi VLEN-in 'Frankeshtajn politik' të Mickoskit?
Sekretari i BDI-së e quan partinë e re të Ali Ahmetit 'Frankeshtajn politik' të krijuar nga lideri i VMRO-DPMNE-së.
Redaksia ZHURMA · · Përditësuar · 1 min lexim
SHKUP — Sekretari i Bashkimit Demokratik për Integrim, Arbër Ademi, e ka quajtur VLEN-in "Frankeshtajn politik" të krijuar nga Hristijan Mickoski. Në emisionin "Debat në Shenja", Ademi tha se Mickoski "ka marrë disa copa, një atje një atje" për të bërë një alternativë të BDI-së.
Ademi theksoi dallime simbolike mes dy partive: në çdo Kongres të BDI-së intonohet himni shqiptar, ndërsa në kongresin e VLEN-it nuk ndodhi kjo. Ai përmendi se Izet Mexhiti është ngritur në këmbë gjatë himnit në kongresin e BDI-së, ndërsa shtoi se partia e tij ka marrë kritika se "nuk po del prej folklorit nacionalist".
"Modeli na nuk ia imponojmë askujt, por na jena për bashkim të shqiptarëve, por të jetë autonom", tha Ademi, duke shtuar se "parti politike UDB ka krijuar mjaft në Maqedoni".
Burim: Telegrafi
— Redaksia ZHURMA
