Ademi i drejtohet Mickoskit: Pse jeni kaq kundër gjuhës shqipe?
Organizatori i protestave të studentëve shqiptarë kërkon ndryshim qëndrimi nga kryeministri dhe ministri i Drejtësisë.
SHKUP — Mevlan Ademi, një nga organizatorët e protestave të studentëve shqiptarë në Maqedoni, iu drejtua sot kryeministrit Hristijan Mickoski dhe ministrit të Drejtësisë Igor Filkov, duke iu kërkuar të ndryshojnë qëndrimin për gjuhën shqipe.
"Unë nuk e di se si Filkov, pas asaj proteste masive, ende vazhdon të mbajë qëndrim kundër dhe të simbolizohet si 'mbrojtës i gjuhës maqedonase'", shkruan Ademi. Ai shton se nuk kanë asgjë kundër gjuhës maqedonase, por kundër atyre që e kundërshtojnë gjuhën shqipe.
Ademi kritikon edhe Mickoskin që insiston ta dërgojë çështjen në Komisionin e Venecias, duke e quajtur këtë "zvarritje" të padrejtësisë: "Pse na mundoni çdo herë? Pse jeni kaq kundër gjuhës shqipe?"
Burim: Telegrafi
— Redaksia ZHURMA