Pse Abdixhiku po ballafaqohet me sfida të brendshme?
Si po ndikojnë qëndrimet e kryetarëve të komunave në raportet e LDK-së me Lëvizjen Vetëvendosje?
PRISHTINË — Analisti politik Astrit Gashi foli për zhvillimet e fundit brenda Lidhjes Demokratike të Kosovës, duke theksuar se raportet e brendshme në parti janë të ndikuara nga qëndrimet e kryetarëve të komunave dhe raporti i tyre me Lëvizjen Vetëvendosje.
Gashi tha se kryetarët komunalë kanë ndikim të drejtpërdrejtë në orientimet politike të LDK-së dhe në raportet e saj me kryeministrin Albin Kurti. Ai deklaroi se kreu i LDK-së, Lumir Abdixhiku, është përballur me sfida të brendshme që lidhen me balancimin e qëndrimeve të strukturave të partisë.
Sipas Gashit, Abdixhiku ka punuar kundër vetes dhe këto zhvillime kanë ndikuar në rritjen e tensioneve brenda partisë, sidomos në periudhën paszgjedhore dhe në diskutimet për koalicione të mundshme. Degradimi diplomatik i Qeverisë dhe qëndrimi i Lëvizjes Vetëvendosje ndaj koalicionit janë disa nga faktorët që kanë kontribuar në këtë situatë.
Burim: Gazeta Metro
— Redaksia ZHURMA