Abdixhiku: Sejdiu është rugovist, kisha frikë se VV do ta prishte marrëveshjen

Kryetari i Lidhjes Demokratike të Kosovës, Lumir Abdixhiku, në emisionin "Adresa" në Kanal 10, ka vlerësuar kandidatin e LDK-së për president, profesor Bekim Sejdiun, duke e përshkruar atë si "LDK në thelb, rugovist në bindje". Abdixhiku tha se Sejdiu vjen nga një familje e pastër rugoviste, ka nisur karrierën në Ankara dhe vazhduar në Nju Jork, duke pasur lidhje familjare me LDK-në dhe institucionet e Kosovës. Sipas tij, familjarë të Sejdiut kanë mbajtur pozita institucionale të rëndësishme. Abdixhiku theksoi se Sejdiu përfaqëson një profil të lidhur me traditën e LDK-së dhe prejardhjen rugoviste. Gjatë intervistës, kryetari i LDK-së foli edhe për marrëveshjet politike, duke shpallur se ka pasur shqetësim se procesi mund të dështonte në momentet e fundit. "Kam pasur frikë se në momentet e fundit Lëvizja Vetëvendosje do ta prishte marrëveshjen", deklaroi Abdixhiku.