Abdixhiku kritikon deputetët e LDK-së: Zgjedhjet e reja s’kanë qenë agjendë

Kryetari i Lidhjes Demokratike të Kosovës, Lumir Abdixhiku, ka adresuar kritika ndaj gjashtë deputetëve të partisë që nuk mbështetën kandidaturën e Bekim Sejdiut për postin e presidentit të vendit. Gjatë reagimit të tij në rrjetet sociale, kreu i LDK-së theksoi se zgjedhjet e reja nuk kanë qenë pjesë e planit politik apo kërkesë e anëtarësisë së subjektit që ai drejton.

Abdixhiku shtoi se situata e krijuar ka përcaktuar rrjedhën politike dhe se me refuzimin e zgjidhjes për president është përcaktuar edhe fati i vendit drejt një procesi tjetër zgjedhor. Sipas tij, nuk ka pasur ndonjë marrëveshje qeverisëse me Lëvizjen Vetëvendosje, pasi qëndrimi i partisë ka qenë të mbetet në opozitë.