73-vjeçari nga Ohri privohet nga liria pasi kërcënoi fqinjin me armë për një vendparkim
Në bastisje të shtëpisë së të dyshuarit, policia konfiskoi një leje arme, një pistoletë dhe një pushkë "Zastava", si dhe municion.
OHËR — Policia e Ohrit ka privuar nga liria T.R. (73), banor i Ohrit, pasi më 1 gusht, rreth orës 12:00, në korridorin e një ndërtese banimi i drejtoi pistoletën fqinjit G.K. (51) nga Shkupi. Shkak u bë një mosmarrëveshje për një automjet të parkuar, sipas denoncimit.
Në bastisje të shtëpisë së të denoncuarit, nëpunësit e SPB Ohër konfiskuan një leje arme, një pistoletë dhe një pushkë "Zastava", si dhe plumbat dhe pjesët rezervë. Pas dokumentimit të rastit do të parashtrohet kallëzimi përkatës.
Burim: Telegrafi, https://telegrafi.com/73-vjecari-nga-ohri-privohet-nga-liria-pasi-kercenoi-me-arme-fqinjin-per-nje-vendparkim/
— Redaksia ZHURMA