611 mjekë me shtetësi të Kosovës të regjistruar në Gjermani
Statistikat e fundit të Dhomës Federale të Mjekëve të Gjermanisë tregojnë shifrat e reja për mjekët nga Kosova.
Redaksia ZHURMA · · 1 min lexim
Në Gjermani janë regjistruar gjithsej 611 mjekë me shtetësi të Kosovës, sipas statistikave që pasqyrojnë gjendjen deri në fund të muajit dhjetor. Prej tyre, 568 ushtrojnë profesionin, ndërsa 43 nuk figurojnë si profesionalisht aktivë në sistemin shëndetësor gjerman. Pjesa më e madhe e tyre, përkatësisht rreth 88 për qind, janë të angazhuar dhe punojnë në spitale.
Ky zhvillim vjen pas raportimeve të mëparshme se numri i mjekëve aktivë me shtetësi të Kosovës në shtetin gjerman ka shënuar një rritje prej 23,7 për qind brenda një periudhe dyvjeçare, duke dëshmuar një vazhdimësi të tërheqjes së profesionistëve shëndetësorë nga Kosova drejt tregut gjerman të punës.
