Rahovec: 61-vjeçarja gjendet e pajetë në shtëpi, hetohet shkaku i vdekjes

RAHOVEC — Hazbije Bellaqa, 61 vjeçe, u gjet e pajetë mbrëmjen e së dielës në shtëpinë e saj në fshatin Pataqan i Epërm të Rahovecit. Sipas informacioneve, rreth orës 20:00 Qendra Kryesore e Mjekësisë Familjare në Rahovec njoftoi Policinë se 61-vjeçarja ishte sjellë nga familjarët në urgjencë pa shenja jete, ku mjeku kujdestar konstatoi vdekjen e saj.

Sipas deklarimit të kunatit të viktimës, Bellaqa ishte gjetur e shtrirë në shtëpinë e saj, ku në atë moment ishte e vetme, pasi bashkëshorti ndodhej jashtë shtëpisë. Në vendngjarje dolën njësitë e Stacionit Policor në Rahovec, hetuesit rajonalë dhe ekipet përkatëse, të cilat ndërmorën veprimet hetimore të nevojshme.

Me urdhër të Prokurorit të Shtetit, u inicua rasti "Hetim i vdekjes", ndërsa trupi i pajetë i 61-vjeçares u dërgua në Institutin e Mjekësisë Ligjore (IML) për obduksion, me qëllim të sqarimit të shkakut të vdekjes.

Burim: Sinjali
— Redaksia ZHURMA