29 zjarre në Maqedoninë e Veriut për 24 orë
Dy zjarre mbeten aktivë, në komunat e Kavadarit e Prilepit; gjendja e krizës zgjat deri në fund të gushtit.
Redaksia ZHURMA · · Përditësuar · 1 min lexim
SHKUP — Qendra për Menaxhimin e Krizave (QMK) njoftoi se deri në orën 7:30 të mëngjesit janë regjistruar 29 zjarre në hapësira të hapura, prej të cilave 27 janë shuar e dy mbeten aktivë.
Aktivë janë zjarret në Komunën e Kavadarit dhe në Komunën e Prilepit. QMK thotë se situata po monitorohet vazhdimisht dhe u bën thirrje qytetarëve të tregojnë kujdes gjatë qëndrimit në ambiente të hapura, për të parandaluar shpërthimin e zjarreve të reja.
Gjendja e krizës është shpallur në të gjithë territorin e Maqedonisë së Veriut deri në fund të gushtit, për shkak të rritjes së rreziqeve nga zjarret në hapësira të hapura e pyjore. Edhe vitin e kaluar, në gusht e shtator, u raportuan një sërë zjarresh.
Burim: Portalb
— Redaksia ZHURMA
